Nýhöfn 7, Garðabær

89.500.000 Kr.



Fjölbýlishús
149,7 m2
3 herbergja
Herbergi 3
Stofur 1
Baðherbergi 2
Svefnherbergi 2
Ásett verð 89.500.000 Kr.
Fasteignamat 72.500.000 Kr.
Brunabótamat 76.620.000 Kr.
Byggingarár

Lýsing


Fasteignasalan TORG kynnir. Vandaða og rúmgóða,  3ja herbergja íbúð með tveimur baðherbergjum á annarri hæð , íbúðin er merkt 201, skráð samkvæmt þjóðskrá 149,7 fm  með 16,1 fm. svölum í suð-vestur og  stæði merkt B02 í lokaðri bílageymslu í sérlega glæsilegu 3ja hæða álklæddu fjölbýlishúsi við Nýhöfn 7 í Sjálandi Garðabæ. Íbúðin skiptist í hol,þvottahús, eldhús, stofu, borðstofu, sjónvarpshol, 2 baðherbergi, svefnherbergi, hjónaherbergi með fataherbergi, innangengt frá fataherberginu inn á  baðherbergi hjóna. Íbúðirnar verða með vönduðum íslenskum innréttingum frá Brúnás og vönduðum AEG eldhústækjum.
Allar nánari upplýsingar veitir Sigríður Rut Stanleysdóttir, löggiltur fasteignasali í gsm. 699-4610/ siggarut@fstorg.is

Nýhöfn 7 er þriggja hæða álkætt fjölbýlishús í Garðabæ staðsett við sjávarkambinn, mikið og óhindrað sjávarútsýni eru úr íbúðum. Í húsinu eru 9 íbúðir, ásamt lokaðri og upphitaðri bílgeymslu. Í húsinu eru 2ja til 5 herbergja íbúðir, með svölum. Íbúðirnar verða afhentar án gólfefna, þó verða flísar á baðherbergjum og þvottahúsum. Rafmagns- og sjónvarpslögn fylgir frágengin og verður mynddyrasími. Allar íbúðir eru með svölum og svalalokun.

Sameign verður frágengin utan sem innan og í sameign verður vönduð lyfta. Anddyri verður flísalagt en stigi og stigapallar teppalagðir. Enginn lóð fylgir með húsinu. Í baðherbergjum verða gólf flísalögð og veggir upp í loft. Þau verða búin vönduðum hreinlætistækjum, innbyggðum blöndunartækjum, upphengdum salernum, sturtum með sturtuhlið úr gleri.

Glæsilegar innréttingar eru í eldhúsi, verða þær með steinplötum. Vandaðar innréttingar verði í þvottahúsi, Innihurðar verða úr hnotu. Fataskápar og eða fataherbergi verða í svefnherbergjum og forstofu ásamt innréttingu á baðherbergi með speglaskápum.

Sjáland er við Arnarnesvog í Garðabæ, fjölskylduvænu og fallegu umhverfi við sjávarsíðuna. Ökuleiðir til og frá hverfinu eru greiðfarnar, stutt í Smáralind og miðbæ Garðabæjar. Vestast við voginn er náttúruleg fjara og í framhaldi af henni er sjóbaðströnd sem snýr í sólarátt. Skóli og leikskóli eru í hverfinu. Strandlengjan verður öll opinn almenningi og gangstígar tengir hana við hverfið við miðbæ Garðbæjar. Áætlað er að íbúðir í Nýhöfn 7 verði afhentar í júní 2017.
Allar nánari upplýsingar veitir


Nýhöfn 7, SKILALÝSING 17.01.2017

1. Frágangur innanhúss

1.1.Gólfefni

Íbúðin sjálf verður afhent án gólfefna, nema á baðherbergi og þvottahúsi verða flísar. Flísar koma frá Birgisson ehf.

1.2.Veggir

Útveggir íbúðarinnar eru sandsparslaðir. Léttir innveggir eru hlaðnir úr vikur- eða gjallplötum, grófpússaðir og sandsparslaðir eða hefðbundnir gipsplötuveggir sparslaðir. Veggir eru grunnaðir og málaðir með tveimur yfirferðum af plastmálningu, gljástig 7 eða sambærilegt.

1.3.Loft

Steypt loft eru slípuð, og slétt sandspörtluð. Loft eru grunnuð og máluð með tveimur yfirferðum af plastmálningu, gljástig 2 eða sambærilegt. Loft og veggir á baðherbergjum og þvottahúsum eru máluð með viðurkenndri votrýmismálningu þar sem við á.

1.4.Gler

Tvöfalt hefðbundið K-gler, verksmiðjugler er í öllum gluggum. Ábyrgð framleiðanda er samkvæmt skilmálum Samverk glerframleiðanda.

1.5.Sólbekkir

Sólbekkir frá Fanntófell eru úr harðplasti með ABS-laser kanti.

1.6.Hurðir

Yfirfelld hurð EICS-30 inn í íbúðina verður spónlögð með hnotu. Innihurðar verða spónlagðar með hnotu með fellilista í stað hefðbundinna gerhefta. Hæð innihurða verður í kringum 220 sm. Rennihurðar verða spónlagðar með standandi hnotu eða hvítar frá Parka eftir því sem við á. Komi ósk um hvítar innihurðir þá verða þær yfirfelldar frá Parka með földum lömum.

1.7.Fataskápar

Fataskápar (fataherbergi þar sem við á) eru í svefnherbergjum og forstofu. Innréttingar verða frá Brúnás og eru að innan úr ljósgráum spónaplötum, en sýnilegar hliðar og hurðir verða spónlagðar með hnotu eða sprautulakkaðar hvítar þar sem við á.

1.8.Eldhús

Eldhúsinnrétting verður frá Brúnás og að innan úr ljósgráum spónaplötum, en sýnilegar hliðar og hurðir verða spónlagðar með hnotu og sprautulakkaðar þar sem við á. Borðplötur verða úr Virgo steini. Vaskur og blöndunartæki verða í innréttingu frá Tengi. Vaskur verður undirlímdur í borðplötu. Einnig mun fylgja sléttfellt spanhelluborð, ofn með blæstri, örbylgjuofn, hljóðlát alklæðandleg uppþvottavél ásamt ljósagufugleypi frá Bræðrunum Ormsson.

1.9.Baðherbergi

Á baðherbergi er gólf flísalagt og verða veggir flísalagðir upp í loft. Innrétting frá Brúnás verður að innan úr ljósgráum spónaplötum, en sýnilegar hliðar og hurðir verða spónlagðar með hnotu eða sprautulakkaðar eftir því sem við á. Borðplötur verða úr Virgo steini. Á baðherbergi verða ýmist speglaskápar eða speglar eftir því sem við á með lýsingu. Handlaug eða handlaugarskál ásamt hitastýrðu blöndunartæki verður í innréttingu eftir því sem við á frá Tengi. Handklæðaofn, upphengt og innbyggt salerni með hæglokandi setu ásamt flísalögðum sturtubotni með sturtuhlið úr gleri verður á baðherbergi. Innbyggt blöndunartæki verður í sturtu frá Tengi.

1.10.Þvottahús

Í þvottahúsi er gólf flísalagt og innréttingar frá Brúnás úr ljósgráum spónaplötum með ræstivask og blöndunartæki á vegg eða borði. Borðplata verður úr plasti. Niðurfall er í gólfi og tengingar fyrir þvottavél og þurrkara, gert er ráð fyrir barkalausum þurrkara.

1.11.Sérgeymsla

Steypt loft, veggir og gólf í sérgeymslum eru hreinsuð og máluð. Skilveggir á milli geymslna eru með timburgrind og málaðri plötuklæðningu. Sérgeymslur eru án innréttinga með hvítmálaðri yfirfelldri hurð þar sem við á. Rafmagnstengill er í sérgeymslu.

1.12.Hitakerfi

Íbúðirnar eru upphitaðar með gólfhita en sameign með ofnakerfi skv. teikningum. Gólfhita- sem og ofnakerfi í sameign fylgir frágengið og verða hitastýrðir lokar á því.

1.13.Loftræsi-, vatns- og þrifalagnir

Loftræsi-, vatns, - og þrifalagnir fylgja frágengnar skv. teikningum. Forhitari er á heitu neysluvatni.

1.14.Rafmagns- og sjónvarpslagnir

Rafmagns- og sjónvarpslögn fylgir frágengin með einum mynddyrasíma í íbúð. Loftnetstengill verður í alrými ásamt tölvutengli. Tölvutenglar verða í herbergjum. Ljósleiðari verður í húsinu. Hússtjórnarkerfi frá Rafport ABB Free@Home verður í íbúðum til þess að stýra dimmum og lýsingu í hverri íbúð. Möguleiki er fyrir kaupendur að uppfæra hússtjórnunarkerfi í samstarfi við Rafport ehf.

Allar nánari upplýsingar veitir Sigríður Rut Stanleysdóttir, fasteignasali  í gsm. 699-4610 eða siggarut@fstorg.is

 

 

Kort






Sölumaður

Sigríður Rut Stanleysdóttir



Löggiltur fasteigna- fyrirtækja- og skipasali
Netfang: siggarut@fstorg.is
Sími: 699-4610
Senda fyrirspurn vegna

Nýhöfn 7


CAPTCHA code