***SELD MEÐ FYRIRVARA***
Fasteignasalan TORG og Svavar Friðriksson, löggiltur fasteignasali, kynna: ***LEIGUTEKJUR***
Afar falleg og mikið endurnýjuð fjögurra til fimm herbergja 94,2m² útsýnis- og endaíbúð á fjórðu og efstu hæð á Kleppsvegi 52 í Reykjavík. Þrjú svefnherbergi auk 6,6 m² herbergi í risi. Í risinu er sameiginleg snyrting. Herbergið hentar vel til útleigu en núverandi eigendur nota herbergið sem vinnuherbergi. Sameiginlegt þvottahús er í kjallara með sértengi ásamt sameiginlegu þurrkherbergi. Sérgeymsla fylgir íbúðinni. Nýir gluggar og nýleg eldhúsinnrétting, nýleg tæki í eldhúsi, nýleg blöndunartæki bæði í eldhúsi og inni á baði. Gólfið er með nýlegu parketi, nýlegum innihurðum ásamt því að íbúðin hefur verið einstaklega vel yfirfarin að öllu leyti sbr. málaðir veggir, loft og gluggar. Vel er haldið utan um húsfélagið. Hefð er fyrir gæludýrum í stigaganginum að sögn eigenda. Ákaflega fallegt útsýni er úr íbúðinni yfir Esjuna og til suðurs.  
Allar nánari upplýsingar veitir Svavar, lögg.fasteignasali. í síma 623-1717, [email protected]. 

Nánari lýsing eignar:
Stigagangur í sameign teppalagður. Skóskápur er við inngang íbúðarinnar. Búið er að setja wifi-lás íbúðarhurðina.  
Gangur með góðum fataskáp. Parket á gólfi.
Eldhús er parketlagt með nýrri hvítri eldhúsinnréttingu með innbyggðri- uppþvottavél og ísskáp, bakarofni, keramik helluborði og háfi. Borðkrókur er í eldhúsi. 
Svefnherbergin eru þrjú með skápum og parketi á gólfum. Fallegt útsýni.  
Stofa er björt og rúmgóð og þaðan er útengi á suður svalir. Afar fallegt útsýni úr stofunni. Útgengt á svalir er snúa í suður. 
Baðherbergi er flísalagt, með salerni, vaski, spegli með innbyggðri lýsingu, skápi og baðkari með sturtu. Mosaikflísar í kringum sturtu sem hafa verið málaðar. Eigendur hafa tengt þvottavél og þurrkara inn á baðherbergi. 
Íbúðarherbergi í risi er með vinyldúki á gólfi. Aðgengi er að sameiginlegri snyrtingu á hæðinni. Herbergið er tilvalið til útleigu.
Sérgeymsla er í kjallara.
Þvottahúsið er sameiginlegt í kjallara með sértengi fyrir þvottavél. Gott sameiginlegt þurrkherbergi er innaf þvottahúsi. 
Íbúðin er 84,9m² (402), íbúðarherbergi í risi er 6,6 fm (508) og geymsla er 2,7 fm (0008), alls er eignin 94,2 fm skv. skráningu Þjóðskrá Íslands
Um er að ræða afar glæsilega eign sem búið er að endurnýja mjög mikið. 
Allar nánari upplýsingar veitir Svavar, lögg.fasteignasali. í síma 623-1717, [email protected]. 

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.500 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.
5. Kaupandi eignarinnar greiðir skipulagsgjald þegar það verður lagt sem er 0,3% af endanlegu brunabótamati eignarinnar.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma
í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags.
Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra.